Конкуренцијата на работа не е голема закана, но постојат начини како полесно да се справите со неа…
Бидете свесни за конкуренцијата
Игнорирањето не е еден од начините како полесно да се справите со конкуренцијата, затоа е многу важно да бидете свесни за се што се случува околу вас. Некои се служат со валкани трикови за да го постигнат она што го сакаат, затоа мора да бидете многу внимателни. Исто така, прифатете го фактот дека тоа е нормално и дека не се случува само на вашето работно место.
Споредби
Иако нашите мајки не советуваат дека не треба да се споредуваме со другите, тоа понекогаш може многу да ни помогне. Кога ќе станете свесни дека имате конкуренција, ќе можете да ги споредите вашите вештини со нејзините. Така ќе ги препознаете нејзините слабости, но и оние сопствените кои во иднина ќе може да ги подобрите.
Пријателски став
Секогаш одржувајте добар однос со конкуренцијата. Поздрав, насмевка, некоја минута разговор, на никого нема да му штети, а тоа ќе ги подобри вашите односи и ќе ги направи нештата полесни.
Поврзете се со другите
Грешката која ја прават повеќето луѓе на работното место е тоа што се дружат само со оние со кои работат. Важно е да се поврзете и со останатите, без оглед на положбата и стручноста, бидејќи никогаш не знаете кој ќе ви помогне, кога помошта ќе ви биде потребна.
Дајте се од себе
Кога станува збор за конкуренцијата на работа, нема забушавање. Потребно е многу работа и труд и нема да биде лесно, но не сакате некој од вашата конкуренција да ве замени, зар не? Затоа немојте да дозволите конкуренцијата да влијае на вашата продуктивност.
