Тргувањето на Волстрит во вторник беше внимателно, бидејќи деловните резултати на компаниите не се импресивни, но и заради почетокот на дводневната седница на челниците на Федералните резерви(Фед), по која ќе биде појасно дали централната банка ќе преземе нешто во врска со каматите.
Dow Jones ослабе 0,1 отсто на 18.473 бодови, додека S&P 500 зајакна 0,03 отсто на 2.169 бодови, а Nasdaq 0,24 отсто на 5.110 поени.
Откако минатата недела Dow Jones и S&P 500 индексите ги достигнаа рекордните нивоа, последните денови се тргува внимателно, бидејќи бизнис резултатите на компаниите не се импресивни.
По сите изгледи, заработките на компаниите ќе паднат и четврто тромесечје по ред. Аналитичарите проценуваат дека заработките на компаниите од составот на S&P 500 индексот во изминатото тромесечје паднале 3,5 отсто во однос на истиот период лани.
Во пет од десетте сектори на S&P 500 цените на акциите во вторник падна, а предводеше телекомуникацискиот сектор со загуба од речиси 1,5 отсто. Во тој сектор најмногу, 1,9 отсто, падна цената на акциите на Verizon Communications заради послабите од очекуваните квартални деловни резултати.
Од истата причина акциите на најголемиот светски синџир за брза исхрана McDonald′s потонаа повеќе од четири отсто.
Од друга страна, благодарејќи на подобрите од очекуваните деловни резултати, силно скокнаа цените на акциите на Texas Instruments 7,8 отсто и на Caterpillar за 5,2 отсто.
Покрај анемичните деловни резултати, инвеститорите се внимателни заради тоа што во вторник започна дводневната седница на Фед.
Иако никој не очекува Фед да ги покачи клучните камати, инвеститорите го чекаат соопштението што треба да покаже има ли намера Фед да ја затегне монетарната политика до крајот на годината.
До неодамна се сметаше дека заради пореметувањето на финансиските пазари, по одлуката за Британците за напуштање на ЕУ, Фед ќе го одложи зголемувањето на каматите до следната година.
Но, дел од аналитичарите сметаат дека зголемувањето на каматите е можно уште во декември бидејќи растот на американската економија последните месеци забрзува, по забавувањето во првото тромесечје.
На европските берзи цените на акциите во вторник благо порасна. Лондонски FTSE индексот зајакна 0,21 отсто на 6.724 бодови, додека франкфуртски DAX порасна 0,49 отсто на 10.247 бодови, додека париски CAC 0,15 отсто на 4.394 бодови.
