На авикомпаниите во светот секоја година во наредните две децении ќе им бидат потребни во просек 31.000 нови пилоти поради експанзијата во авио-сообраќајкот, соопшти американскиот производител Boeing.
Во својата годишна проценка за потребите од персонал во авио-сообраќајот, „Boeing“ наведува дека ќе порасне и потребата за кабински персонал до 2035 на вкупно 814.000 лица, и за техничари за одржување на 679.000, а тоа е сериозно голема бројка, пренесува агенцијата Франс прес.
Во истиот период, глобалната флота на летала ќе порасне за речиси 40.000 авиони.
Најголем недостаток на пилоти ќе почувствува азиско-пацифичкот регион, додека отворањето на авио-пазар во Куба и во Мексико ќе ја зголеми побарувачката во регионот на Северна Америка, предвидува „Boeing“
