Владите на земјите од еврозоната мораат брзо да делуваат на планот на основање на единствено банкарско надзорно тело, изјави денеска претседателот на Европската централна банка, Марио Драги.
Според Драги, на земјите од еврозоната им е потребен таков орган кој ќе има овластувања во сверата на реконструирање или затворање на банките.
Банките, погодени од кризата во банкарскиот сектор која ја иницираше тригодишната должничка криза во еврозоната, неодамна доживеаја нов удар со кризата на јавните финансии на Кипар, која е последна членка на еврозоната што побара странска помош за да избегне банкрот.