Цените на нафтата во понеделник не се менуваа значително, бидејќи трговците го игнорираа обидот за воен удар во Турција, додека пореметувањата на извозот на сурова нафта од Либија и оптимистичките американски економски податоци благо ги поттикнаа цените.
Цената на барел сурова нафта на лондонската берза порасна два цента во однос на петок на 47,63 долари, додека на американскиот пазар беше во минус четири центи и изнесуваше 45,91 долар за барел.
Во одвоен извештај, Организација на земји извознички на нафта(ОПЕК) соопшти дека референтната цена на барелот од нејзината нафта во петок изнесувала 43,24 долари, што значи дека пораснала 36 центи во однос на претходниот трговски ден.
