Велика Британија ќе се стреми да излезе од Европската унија на 1-ви јануари 2019-та година. Ова го објави министерот за надворешна трговија на Обединетото Кралство Лиам Фокс, цитиран од „Франс прес“.
„Тоа е датумот на кој работиме и тој може да биде поместен напред по потреба“, рече министерот.
Постапката вклучува активирање на чл.50 од Лисабонскиот договор во рамките на оваа година, за да биде запазен двегодишниот рок во кој треба да биде направено потребното за напуштање на заедницата.
Во моментов е создадено специјално Министерство за излегувањето од ЕУ со 40 вработени, кое ќе се зголеми за уште неколку чиновници.
Фокс посочи дека во меѓувреме започнале разговори со САД, Канада и Австралија во врска со прашањата поврзани со слободната трговија.
Додека во Лондон се подготвуваат за излез од ЕУ, Шкотска, која масовно гласаше за останување, може повторно да гласа за напуштање на Велика Британија. Премиерот Никола Стургеон посочи дека референдум во врска со оваа тема е можно да се одржи догодина.
