Русија ќе го зголеми обемот на испорака на гас за Европа за две-три милијарди кубни метри за три до пет години.
Тоа го изјави претседателот на Одборот на директори на рускиот Газпром, Виктор Зубков.
„Нашите проценки, нашите експерти и нашите долгорочни договори се доказ дека нема да ги намалуваме испораките на гас во Европа. Токму спротивното, ние ќе ги зголемиме, веројатно за две-три милијарди кубни метри“, изјави Зубков, додавајќи дека тоа ќе се реализира во периодот од три до пет години, пренесува руската агенција Тас.
Побарувачката во Европа за увезен гас ќе порасне за најмалку 100 милијарди кубни метри до 2025 година и можеби за 150 милијарди кубни метри до 2035 година, изјави пред неколку дена генералнот директор на Газпром, Алексеј Милер.
