Да не се пали оган на отворено, да не се палат стрништа, да не се фрлаат стаклени шишиња, опушоци, предупредуваат од Дирекцијата за заштита и спасување.
„Дирекцијата за заштита и спасување известува дека, поради зголемувањето на надворешните температури и сушниот период што претстои, се зголемува и опасноста од настанување на шумски пожари и други пожари на отворен простор, а ваквата состојба наложува поголема будност и мобилност на сите граѓани и субјекти во заштитата од ваков вид пожари“, се вели во соопштението.
Од ДЗС додаваат дека доколку граѓаните забележат пожар да информираат на бесплатниот телефонскиот број 193.