Вредноста на акциите на јапонската компанија Нинтендо скокна речиси 16 отсто во четврток на берзата во Токио, поттикнати од феноменот предизвикан по лансирањето на играта Pokemon Go.
Вредноста на акциите на Нинтендо го заврши денот на 25.300 јени, што е раст од 15,89 отсто, а во текот на дневното тргување во еден момент порасна и 19 отсто.
Со тоа вредноста на акциите на Нинтендо вкупно се зголеми за 76 отсто од средата на 6 јули, непосредно пред лансирањето на играта Pokemon Go во три земји, САД, Австралија и Нов Зеланд.
Од тој момент светот ‘полуде’ трагајќи по ‘џебните чудовишта’.
Иако Нинтендо не ја разви играта, туку само пружа поддршка на својата филијала Pokemon Company и на студиото Niatik, инвеститорите сметаат дека светската популарност на играта ќе го поттикне Нинтендо.
