Преку две блок трансакции со акциите на Жито Полог АД Тетово во средата беа истргувани вкупно 5.748 лотови по цена од 2.000 денари.
Станува збор за релативно големо количество, односно 10,26 отсто, од основната главнина на друштвото, додека во последните 12 месеци досега се истргувале само 10 лотови по цена од 2.000 денари.
Во класичното тргување и во средата најтргувана беше обврзницата РМДЕН15 со промет од 1,7 милиони денари и истргувани 31.234 лотови по цена од 92,10 проценти од номиналната вредност.
Кај акциите лидери според прометот беа Охридска банка со 1,6 милиони и Макпетрол исто така, со 1,6 милиони, при што ОХБ забележа минимален раст од 0,03 отсто, додека МПТ имаше раст од 2,04 проценти.
Најголем поединечен раст на цената имаа акциите на ФЗЦ 11 Октомври (ЦЕВИ), и тоа за 3,25 отсто и Фершепед (ФЕРШ) од 3,09 отсто.
Индексот МБИ10 ја продолжува позитивната серија со раст од 0,65 отсто, со вредност 1.817,66, додека индексот ОМБ остана без промена (вредност 127,37).
