Словенечкиот министер за финансии Душан Мрамор во среда неочекувано поднесе неотповиклива оставка заради приватни причини, која премиерот Миро Церар веќе ја прифати и за тоа го извести парламентот.
Мрамор на прес конференција рече дека оставката е мотивирана од лични причини и дека сака да ја продолжи својата универзитетска кариера како професор по економија на љубљанскиот Економски факултет.
Како најголем резултат во својот двегодишен мандат го истакна намалувањето на буџетскиот дефицит и излегувањето на Словенија од механизмот на јавно-финансискиот дефицит што Европската комисија го потврди минатиот месец. Со тоа Словенија ја врати својата финансиска сувереност“, рече Мрамор.