Инвестициските менаџери во светот ги зголемуваат со умерено темпо инвестициите во т.н. алтернативни средства, вклучувајќи и во имотот, покажуваат податоците од истражувањето на консултантската компанија „Willis Tower Watson“.
Најголемите 100 алтернативни инвестициски менаџери ги зголемиле вложувањата во алтернативни средства со 3% во 2015-та година до 3,61 илјади милијарди долари, покажуваат податоците на компанијата. Растот на вложувањата на пензиските фондови од испитаниците во алтернативни средства е 5%.
Статистиката покажува уште дека вкупниот обем на алтернативните средства на глобалните менаџери достигнува над 6,2 илјади милијарди долари кон крајот на минатата година.
„Насочени кон различни средства од акции и обврзници, се приоритите меѓу институционалните инвеститори во светот. Овие стратегии помагаат да се управува и диверзифицира ризикот“, коментира Љуба Никулина од консултантската компанија.
Никулина прогнозира дека економската несигурност и нестабилните услови веројатно ќе го поддржуваат трендот.
Од 100-те најголеми инвестициски менаџери опфатени со истражувањето, најголем удел на алтернативните средства се имотите – 34% од сите средства. Следат хеџ фондовите со 21%, средствата за приватен капитал со 18% и други инвестициски фондови со 12%.
Никулина нагласува дека сепак диверзификацијата на инвестициските портфолија не се случува по секоја цена. Инвеститорите внимателно избираат средства кои би им донеле не само враќање, но и добра вредност за нивните пари.
Најактивни при диверзификацијата на портфолијата со алтернативни средства и најмногу имот се скандинавските институционални инвеститори.
