Цените на нафтата падна во понеделник на меѓународните пазари под 47 долари, по индициите дека американските производители на нафта од шкрилци се прилагодиле на пониските цени, а инвеститорите стравуваат и за побарувачката од Азија, со оглед на анемичниот економски раст во тој регион.
На лондонската берза цената на барел сурова нафта падна за 33 центи во однос на претходното затворање и изнесуваше 46,43 долари. Речиси со ист износ, од 30 центи, беше во минус и на американскиот пазар, каде што барелот се тргуваше по цена од 45,11 долари.
Во фокусот на пазарите денес се податоците кои покажаа раст на бројот на бушотини во САД минатата недела, петта недела во изминатите шест, сигнализирајќи дека американските производители успеваат да работат и со цени од 45 долари. Овој заклучок го поткрепува и податокот за помал број стечаи во нафтениот сектор во јуни.
Цените се притиснати и заради намалените нарачки на сурова нафта од азиските рафинерии, како и забавувањето на економскиот раст во тој регион.
„Работата околу преработувачката веќе се намалуваат на неколку пазари, иако можеби тоа не е доволно“, толкуваат во американската инвестициска банка Morgan Stanley.
Неколку азиски рафинерии планираат одржување на погоните, односно побавно темпо на преработка во јули и август откако во првото тромесечје ги користеа пониските цени за засилена работа.
Таквите одлуки се донесени, меѓу другото, во контекст на проценките дека кинеската економија во второто тромесечје веројатно растело со најбавно темпо во седум години, од 6,6 отсто, покажува анкетата на Reuters.
Слабоста на азискиот пазар ја потврдува и одлуката на Иран за 40 центи да ја намали официјалната продажна цена на нафтата наменета за азискиот пазар за испорака во август.
Под притисок е и физичкиот пазар, при што обновениот канадски извоз по проблемите предизвикани од големите пожари, тешко пронаоѓа место во нафтоводите, што од друга страна ги притиска цените на канадскиот пазар.
Организацијата на земји извознички на нафта(ОПЕК) објави дека цената на нејзината нафта во петок изнесувала 42,58 долари, што значи дека паднала за 1,6 долари во однос на претходниот трговски ден.
