Инвестициските банки, меѓу кои се „Goldman Sachs“ и „JP Morgan Chase“, велат дека ќе работат на тоа да му помогнат на Лондон да остане водечки центар за меѓународни финансии.
Тоа се наведува во вчера објавеното заедничко соопштение на банките и британскиот министер за финансии Џорџ Озборн.
„Очигледно е дека одлуката на Британија да ја напушти Европската унија донесе економски предизвици кои сме одлучни со заедничка работа да ги отстраниме“, се наведува во соопштението, пренесува агенцијата Ројтерс.
„Денес се сретнавме и договоривме дека ќе соработуваме со заедничка цел да му помогнеме на Лондон да ја задржи позицијата на водечки меѓународен финансиски центар“, се додава во соопштението.
Високите челници на банките „Standard Chartered“, „Bank of America Merrill Lynch“, „Morgan Stanley“, „Goldman Sachs“ и „JP Morgan Chase“, се состанаа заедно со министерот Озборн и го потпишаа заедничкото соопштение, наведува британската агенција.
