Откако пред неколку дена „Porsche“ ја претстави новата „Panamera“ за најбрз седан во светот, германскиот производител на спортски автомобили ги откри и цените на моделот за пазарите на Европа и САД. Новата генерација „Porsche Panamera“ е достапна во моментов во три верзии – две бензински и една дизелска.
Најприфатливата – „4S“, е бензинска користејќи твин-турбо „V6“ мотор со 440 КС и 550 Нм. Спринтот од 0 до 100 км/час кај неа трае 4,4 секунди (4,2 секунди со „Sport Chrono Paket“), максималната брзина достигнува 289 км/час, а просечната потрошувачка на бензин според податоците на производителот е околу 8 л/100км.
Цените на „Panamera 4S“ во Германија стартуваат од 113.000 евра (99.900 долари во САД).
Следна во ценовникот е дизел верзијата. Таа користи нов дизел „V8“ – најмоќниот мотор со такво гориво во историјата на брендот. Агрегатот развива 422 КС и 850 Нм, во комбинација е со систем за погон на четири тркала и обезбедува забрзување од 0 до 100 км/ч за 4,6 секунди. Просечната потрошувачка на гориво е 6,8 л/100км, а максималната брзина изнесува 285 км/час.
Цените на „Panamera 4S Diesel“ во Германија почнуваат од околу 117.000 евра (не е достапен во САД).
Максималната „Panamera Turbo“, која веќе оствари рекордни за седан 7 минути и 38 секунди на патеката Нирбургринг, е опремен со 4,0-литарски „V8“ мотор кој развива 550 КС и 770 Нм. Моторот е во комбинација со систем за деактивација на половина од цилиндрите, благодарение на тоа потрошувачката на гориво е сведена до 9,3 л/100км, тврдат од „Porsche“. И тоа под услов карактеристиките на моторот се зголемени со 30 КС и 70 Нм.
Оваа опција од место до 100 км/ч за 3,8 секунди (3,6 секунди со „Sport Chrono Paket“) и развива 306 км/час.
Цените на „Panamera Turbо“ во Германија почнуваат од импресивните 153.000 евра. (146.900 долари во САД).