Британскиот министер за финансии Џорџ Озборн најавува дека Велика Британија по излезот од ЕУ би можела значително да ги намали даноците, со цел да стане уште поатрактивна за странските инвеститори и да ги неутрализира последиците од Брегзит на економијата.
Озборн наведува дека корпоративниот данок би можел да биде намален од 20 на 15 проценти, со што Велика Британија би станала даночна оаза – тогаш тоа би бил најнизок данок меѓу најразвиените економии.
Иако ваквиот потег би бил добар за привлекување на инвестиции и задржување на големите компании, од кои некои размислуваат за преселување по Брегзит, критичарите предупредуваат и на негативни ефекти.
Поради намалувањето на корпоративниот данок, сметаат критичарите, би можело да дојде до уште посилно оданочување на трудот.
Данокот на доход во Велика Британија сега изнесува од 20 до 45 порценти, што е значително повеќе од сегашниот корпоративен данок од 20 процети, а сега тој јаз би можел дополнително да се зголеми.
