Вкупниот промет остварен на Македонска берза на последниот трговски ден од оваа недела изнесуваше 8,6 милиони денари, а се тргуваше со акциите само од девет компании.
Намалениот интерес на инвеститорите резултираше со намален промет за време на денешното тргување.
Односот на добитници во однос на губитници беше во размерот 4:3.
На врвот на добитничката листа се најдоа акциите на Гранит со раст на вредноста за повеќе од 7,14 отсто. Интересот за акциите на Комерцијална банка, Алкалоид и Макпетрол АД Скопје во петокот беше најголем.
Најтргувани и денеска повторно беа обврзниците за денационализација од петнаесеттата емисија кои опфатија над 85% од вкупниот остварен промет.