Поротата одлучи да го даде целосниот баран надомест од страна на „Hewlett Packard Enterprise“ (HPE), која го тужи „Oracle“ за прекршени договори. Така „Oracle“ ќе треба да плати 3 милијарди долари на „HPE“.
Oracle треба да плати 3 милијарди долари на Hewlett Packard Enterprise
Двете компании имаат дело веќе неколку години. „HPE“ го започна откако процени дека во 2011-та година „Oracle“ го прекршила нивниот договор кој го обврзува „Oracle“ да продолжува да ги поддржува процесорите „Intel Itanium“ во софтверските производи. „Itanium“ се користат од многу од серверите на „HPE“, а многу од клиентите на двете компании ги купуваат нивните производи токму затоа што во комбинација работеа многу добро.
Според „HPE“ одлуката на „Oracle“ е донесена еднострано и во спротивно со договорот. Компанијата смета дека ова ќе доведе до сериозни загуби како за неа, така и за клиентите. „Oracle“ тврдеше дека запрела со одржување на „Itanium“, бидејќи и „Intel“ го направила, но „Intel“ негираше дека имала такви планови.
Како последица, „Oracle“ повторно започна да го одржува „Itanium“, откако судот ја задолжи, но случајот требаше да продолжи и со одредување на евентуалното обештетување. Поротата одлучи дека „Oracle“ треба да го отплати целиот износ од бараните 3 милијарди долари од страна на од „HPE“.
„Oracle“, објави дека ќе поднесе жалба на одлуката на судот. Ова е второ дело што компанијата го губи во рамките на еден месец. На крајот на мај таа го загуби и делото, што го започна против „Google“ со обвиненија дека плаформата „Android“ ги прекршила патентите на „Java“. Судот одлучи дека тоа не е така. Компанијата ја обжали и таа одлука.