Неизвесноста по повод претстојниот излез на Велика Британија од ЕУ ќе го пригуши среднорочниот економски раст на Обединетото Кралство, Европа и глобалната економија.
Тоа го изјави портпаролот на Меѓународниот монетарен фонд (ММФ), Гери Рајс.
Тој, на редовната конференција за новинарите, изјави дека пазарните движења по минатонеделниот референдум, вклучувајќи ги и валутните движења, биле големи но не и претерано хаотични, пренесува агенцијата Ројтерс.
Официјалните лица на централните банки, како што додаде, би требало да бидат подготвени да делуваат со цел да ја зголемат ликвидноста или да ги намалат претераните колебања, во случај неизвесноста околу Брегзит дополнително да му наштети на растот на глобалната економија.
