Кипар се надева дека следните неколку недели ќе постигне договор со Москва за преструктуирањето на рускиот кредит од 2011 година, изјави кипарскиот министер за финансии Харис Георгијадис во Даблин, каде учествува на средбата на министрите за финансии на земјите од Европската унија.
Георгијадис истакна дека е оптимист во однос на резултатот од преговорите за преразгледување на договорот за кредит од 2,5 милијарди евра, одобрен од Русија во 2011 година за рок од 4,5 години, со годишна каматна стапка од 4,5 отсто.
Тој изрази благодарност за подготвеноста на Русија да го преразгледа договорот.
