Прилеп ја одбележа во вторникот 95-годишната од смртта на својот сограѓаниин Ѓорче Петров, една од најмаркантните личности во македонската историја.
Ѓорче Петров, односно Георги Петров Николов, роден на 2-ри април 1865 година во прилепски во Варош, а загинал во Софија на 28-ми јуни пред 95 години.
По повод годишнината од смрта на Ѓорче Петров, денеска на споменикот, лоциран во центарот на Прилеп, претставници од локалната самоуправа и Советот на Општина Прилеп , предводени од градоначалникот на Прилеп, Марјан Ристески , преставници од СОУ „Ѓорче Петров“, чии име на овој револуционер е патрон на оваа образовна институција , претставници од Сојузот на борците – општинската организација – Прилеп, граѓани и граѓански здруженија, положија свежо цвеќе и се поклонија на бистата на револуционерот кои го дал животот за македонската кауза
„Тој е личност кој останал доследен на македонската идеологија, борејќи се за слободна, обединета и независна Македонија. Денеска како горди прилепчани, кои дале илјадници жртви за слободна Македонија, се поклонуваме пред споменикот на нашиот сограѓанин , чии дела биле насочени кон слободна Македонија, за што и го дал и својот живот . Денеска неговите идеали ги продолжуваат неговите потомци, идните генерации Македонци, кои се залагаат за зачувување на самостојна и независна Македонија, за нејзина поголема економски просперитет и евроатланска ориентација и интеграција“, рече градоначалникот на Прилеп ,Марјан Ристески
Покрај во центарот на градот, делегациите положија свежо цвеќе и пред спомен куќата на Ѓорче Петров, која се наоѓа во населбата Варош.
„Ѓорче Петров е личност која остана доследен на македонската идеологија, борејќи се за слобода на Македонскиот народ, и по Илинденското востание . Тој ќе остане засекогаш столб во македонската историја како идеолог , револуционер и борец за самостојна и независна држава Македонија и пример на идните генерации како се сака татковината“, истакна д-р Круме Соколоски од општинската боречка организација од Прилеп.
Прилпчанецот Ѓорче Петров е еден од најсветлите примери во борбата за независна и целовита македонска држава и токму поради вавките своите идеи и делувања во рамките на организацијата на ВМРО, станува симбол на братоубиствена политика. Загинува во Софија во 1921 година, убиен во тогашните братубиствени пресметки во организацијата.
