Европската унија (ЕУ) располага со потребните алатки за да не дозволи да падне во рецесија. Ова го изјави еврокомесарот за економски и финансиски прашања, оданочување и царинска унија Пјер Московичи, цитиран од „Bloomberg“.
„Се уште постои несигурност, која треба да биде распрскана, но не гледаме сериозна мешаница или криза. Тоа не е пропаѓање на пазарите, па сите треба да бидат спокојни дека ситуацијата ќе биде земена во предвид сериозно и добро ќе се раководи со неа“, коментира тој во интервју за „Bloomberg“.
Минатата недела Британија гласаше за напуштање на ЕУ, што ги вознемири глобалните финансиски пазари на 24-ти јуни. Британската фунта беше подложена на масовна распродажба, а 2,5 илјади милијарди долари беа избришани од вредноста на глобалните берзи.
Премиерот Дејвид Камерон ја објави својата намера да се повлече. Ваквите повици беа упатени и кон претседателот на Европската комисија, Жан-Клод Јункер.
„Располагаме со инструментите, особено кога и централните банки соработуваат за да се обезбеди финансиска стабилност, со која ќе ги увериме пазарите и ќе обезбедиме ликвидност, ако треба“, рече Московичи.
