Просечната нето плата во Хрватска исплатена за месец април оваа година изнесувала 5.633 куни (749) евра, покажуваат прелиминарните податоци на Државниот завод за статистика.
Априлската нето плата беше номинално пониска за 1,5 проценти во однос на март, додека во споредба со истиот месец минатата година, номинално беше повисока за 0,7 проценти, пренесува агенцијата Хина.
Просечната бруто плата исплатена во Хрватска за месец април изнесувала 7.688 куни (1,022 евра). Тоа е номинално за 1,8 проценти помалку во однос на просекот во март, но за 0,9 проценти повеќе од просечната бруто плата исплатена за април минатата година.
