Грција е на вистинскиот пат да излезе од кризата и Атина мора да ја преземе програмата за реформи која ја договори со кредиторите, изјави денес претседателот на Европската комисија Жан Клод Јункер.
„Резултатите се охрабрувачки и Грција денес е на добар пат. Грчката Влада, парламентот и народот треба да бидат вистински „сопственици“ на програмите кои се применуваат“, изјави Јункер пред грчкиот премиер Алексис Ципрас за време на разговорот во Атина.
Ципрас изјави дека Грција сега може целосно да „заврти нова страница“ и да тргне кон економскиот раст.
