Доколку непрестано прeстојувате во природа каде што има многу комарци, повторјувате ја постапката на секои два часа и ќе бидете мирни…
Со високите температури задолжително ни пристигнуваат и здодевните комарци, а најмногу ги има покрај вода – омиленото место за летниот одмор!
Но, ако добро се информирате за тоа што можете да направите за овие инсекти да не ве вознемируваат, и ако го подготвите овој одличен домашен препарат, проблемот ќе биде решен.
Имено, комарците сакаат темни и силни бои, па ако сакате да ги одбиете носете светла и пастелна гардероба. Исто така, привлечни им се луѓето кои се занимаваат со спорт, бидејќи нивното тело е потопло и повеќе се поти, а нив ги привлекуваат токму соединенијата кои се излачуваат низ капките пот. Поради тоа, вежбањето во природа покрај вода и не е толку добра идеја.
Стоечките води се нивно омилено престојувалиште, обожуваат и домашни миленици, но она што никако не го сакаат се миризливите етерични масла.
Затоа, подгответе домашен спреј според следниот рецепт и ќе бидете заштитени од ситните штетници во текот на целото летување!
Во шишенце со распрскувач ставете 10 – 15 мл од омиленото етерично масло (пожелно е лаванда или рузмарин или чаевец), а остатокот наполнете го со алкохол. Добро измешајте и испрскајте на облеката.
Доколку престојувате во природа каде што има многу комарци, повторувајте ја постапката на секои два часа и ќе бидете мирни.
Маслото од чиста лаванда можете да го користите и одделно – нанесете го на кожата зад увото, под вратот, зад колената и лактите – таму каде што мирисите најдолго се задржуваат.