Словенија, која според прогнозите на економистите би можела да биде следна во редот за европска помош, на 9 мај ќе го претстави акцискиот план за поправање на состојбата на економијата.
– Ќе подготвиме програма за стабилизација и реформа до 9 мај, и веднаш потоа ќе ја испратиме во Брисел. Свесни сме дека немаме на располагање недели ниту месеци, туку само денови, рече словенечката премиерка Аленка Братушек.
Таа додаде дека Владата исто така ќе подготви ревизија на буџетот, бидејќи наследениот буџет е „далеку од добар“, бидејќи е заснован на нереалистички проценки.
