Директорот на најголемата германска банка „Deutsche Bank“, Пол Ахлајтнер стана уште еден светски банкар, кој предупреди за потенцијалната закана, ако британските избирачи одлучат да ја напуштат Европската унија, пишува „Bloomberg“.
Позитивното гласање т.н. „Brexit“ следната недела може да се покаже како „економска катастрофа за ЕУ“, предупреди Ахлајтнер за време на вечерата во Њујорк, на која домаќин беше организацијата „American Council on Germany“.
За време на својот говор тој го истакна контрастот меѓу студиите на јавните мислења во кралството и предупреди за растечкиот популизам во САД и Европа.
Со цел да го задржи „високиот тон“ во однос на „Brexit“, банкарот ја засегна и темата со регулаторниот притисок, кој според него спречува многу европски банки да земат кредити и да ја стимулираат економската активност.
Други банкарски лидери, како извршните директори на „JPMorgan“ и „HSBC“ – Џејми Дајмон и Стјуарт Гуливер, исто така, предупредија за потенцијалните опасности од референдумот на 23-ти јуни. Некои прогнозираа турбуленции на пазарот, долгорочна нестабилност за Велика Британија и намалување на работните места во финансиската индустрија, ако компаниите прекинат некои операции на континентот.
Главниот извршен директор на „Deutsche Bank“, Џон Крајан предупреди дека најверојатно некои комерцијални активности ќе бидат преместени, ако „Brexit“ стане реалност. „Ќе биде нелогично да тргуваме производи од еврозоната, на пример италијански државни обврзници, од Лондон, ако Велика Британија не е дел од ЕУ“, објасни тој.
Германскиот институт за економски истражувања (DIW) исто така, истакна дека „Brexit“ крие сериозни ризици за еврото, па предупреди дека Британија може да стане „првото парче од домино“. Според претседателот на „DIW“, Марсел Фратчер најголемата загриженост на крајот е отпорноста на еврото.
Во исто време инвестициската банка „Goldman Sachs“ предупреди дека британската валута може да се намали со 11% спрема кошницата од главните валути на развиените пазари, ако Британците одлучат да го напуштат блокот. Според аналитичарите, ако најголемиот страв на инвеститорите – „Brexit“ се оствари и наштети на европската економија, еврото ќе ослабне за 4%.
Иако песимистичките прогнози и последните очекувања на експертите се весели во позадина на прогнозираниот пад на фунтата од 15-20% во почетокот на февруари.
Во средата британската валута се зголеми за 0,6% во однос на доларот до 1,4204 долари и се зголеми за 0,2% во однос на еврото до 79,25 пени за едно евро.
