„Subaru“ подготви специјална верзија на обновеното купе „BRZ“. Таа го добила називот „Subaru BRZ Series.Yellow“ и ќе се нуди само на пазарот во Северна Америка.
Автомобилот е украсен во ексклузивна жолта боја и е опремен со специјално направени за него 17-инчни тркала. Покрај тоа моделот добил и црни ретровизори. На жолта и црна боја се залага и во ентериерот, каде е поставен и нов систем со 6,2-инчен дисплеј.
Во листата на опрема на „Subaru BRZ Series.Yellow “влегува спортски пакет „Performance Package“, вклучувајќи ги сопирачките механизми „Brembo“, амортизерите „Sachs“, модернизираниот систем за контрола на стабилноста и подесена шасија. Автомобилот е опремен уште со задна камера, како и со автоматски клима уред.
Засега не се познати техничките карактеристики на возилото. Стандардниот „Subaru BRZ“ е опремен со 2,0-литарски бензински мотор кој развива моќност од 205 КС. Тој е комбиниран со 6-брзински мануелен менувач.
Модификацијата „BRZ Series.Yellow“ ќе започне да се продава само на почетокот на следната година, кога ќе биде позната и нејзината цена. Веќе е познато дека возилото ќе излезе во серија од 300 примероци.
