Франција излезе од дефлација во мај, откако индексот на потрошувачките цени за прв пат од февруари не забележа намалување, а наместо тоа останува на нула ниво на годишна основа, покажува конечното читање на статистичките податоци.
Во април цените запишаа пад од 0,2% на годината, а прелиминарните податоци за мај покажаа пад од 0,1 отсто.
На месечна основа индексот на потрошувачките цени во Франција се зголемува за 0,4% во мај, откако се зголеми за 0,1% во април. На сезонски прилагодената база тој се зголемува исто со 0,4%.
„Зголемувањето на потрошувачките цени во мај главно се должи на раст на цените на храната и на нафтените производи кои растат трет месец. Зголемувањето на цените на другите стоки и услуги е умерено“, посочуваат од статистичката служба во Франција.
Во петтиот месец од годината цените на прехранбените производи растат со 1% на годишна основа, откако останаа стабилни во април. Зголемувањето се должи главно на сезонски скок во цените на свежите прехранбени производи, кој е посилно изразен во мај оваа година (7,5%) во однос на мај 2015-та година (3,2%).
source: tradingeconomics.com
Зголемувањето на цените на овошјето (20,4%) е речиси двојно поголема во споредба со минатогодишниот (10,5%). Поскапувањето на преработените производи изнесува 0,2% шести месец по ред.
Цената на шеќерот се намалува за 4,6% во однос на минатата година, оваа на готовите јадења паѓа за 3,9%, додека кај сушеното овошје цената се зголемува за 4,7%, а на маслиновото масло расте со 4,1%.
Во почетокот на месецот Централната банка на Франција ја намали прогнозата за инфлацијата и ги промени очекувањата за економскиот раст во 2017-та година. Банката ја промени прогнозата за хармонизираниот индекс на потрошувачките цени на Франција до 0,2% во 2016-та година и 1,1% во 2017-та година од 1% и 1,5%, соодветно, дадени во декември.
Инфлацијата оваа година ќе биде засегната од падот на нафтените цени, ниските плати и високата невработеност. Овие фактори ќе влијаат помалку врз цените следната година, но овој пораст на вредноста на еврото ќе ги задржи цените на произведените стоки, наведуваат од регулаторот.