„Volkswagen“ одлучи да се фокусира на развој на цела низа електрични возила кои се развиваат под името „NUVe“. Како дел од неа, германскиот производител ќе лансира 6 концептуални модели на батерии, а 4 од нив ќе се појават и во сериско производство.
Првата од сериските машини ќе треба да се натпреварува со „BMW i3“, а таа ќе биде прикажана на саемот во Париз во октомври, соопшти „Auto Bild“. Возилото ќе биде изградено на платформата „MEB“ специјално развиена за целосно електрични компактни автомобили.
На ова шасија е направен и првиот од концептуалните модели – „BUDE-Е“ (на сликата), кој беше прикажан на саемот за електроника „CES 2016“ во Лас Вегас. Кај него принципот е максимално поедноставен – батериите се наоѓаат под подот, а тоа остава повеќе простор во кабината. Истиот пристап се користи и кај лидерот кај електричните автомобили – „Tesla“.
Под хаубата на „BUDE-E“ се наоѓаат 2 електромотори со моќност од 300 КС. Благодарение на нив концепт може да помине над 500 км, а забрзувањето од 0 до 100 км/ч трае околу 5,6 секунди. Истите агрегати, но со помала моќност ќе се користи и кај конкурентот на „BMW i3“, кој треба да излезе во серија во 2019-та година.
Во „Volkswagen“ предвидуваат моделот да чини помалку од 40.000 американски долари. Освен за пазарот во САД новите електрични возила на „Volkswagen“ ќе бидат насочени и кон Кина, каде Германците имаат сериозни производствени капацитети.