На глобалната економија не и се потребни дополнителни поттици од сферата на фискалната политика, државите наместо тоа мораат да бидат фокусирани на намалување на нивото на долгот.
Тоа го изјави германскиот министер за финансии Волфганг Шојбле и додаде:
„Моделот на раст финансиран со должничките хартии ги достигна своите лимити“, изјави Шојбле на една конференција во организација на Дојче банк, а пренесува Ројтерс.
Тој се осврна и на Грција, наведувајќи дека официјална Атина имплементирала најголем дел од договорените реформи и дека е на пат да ја поврати довербата на пазарот, наведува британската агенција.