Онлајн изданието „Expert Market“ направи рејтинг листа за тоа каде луѓето работат најмногу. Истражувањето е направено врз база на годишните податоци на швајцарската финансиска група „UBS“ за тоа колку се работи во водечките градови во светот. Резултатот е поделен на 52, за да се постигне појасна претстава колку часа е работната недела.
Интересен е фактот дека сите градови, кои спаѓаат во првите десет на листата, се карактеризираат со над 40-часовна работна недела, или повеќе од 8 часа на ден. За споредба, вработените во Лондон одат на работа во просек по 33.5 часа неделно, а во Њујорк – 35.5 часа.
10. Богота, Колумбија – 40.3 часа
Жителите на колумбиската престолнина работат најмногу во споредба со останатите водечки јужноамерикански градови. На вработените таму им се паѓаат по 2.096 часа работа на годишно ниво, како и само 15 дена одмор.
9. Џакарта, Индонезија – 40.4 часа
Тоа е дом на 30 милиони луѓе. Овој огромен број на луѓе работат во просек околу 10% над она што се работи во светот. Според податоците тие искористуваат 12 дена одмор годишно.
8. Тајпеј, Тајван – 41.2 часа
Жителите на островската држава работат по 41.2 часа неделно, или вкупно 2.140 часа годишно. Тоа е за 11.4% повеќе од просекот на глобално ниво.
7. Најроби, Кенија – 42 часа
Ова е еден од најважните економски градови во Африка. Постои силна работна култура, како и 2.184 работни часа секоја година. Тоа е со 13,2% над просекот на глобално ниво.
6. Дубаи, ОАЕ – 42.04 часа
Познат повеќе како место каде живеат арапски шеици и дестинација за одмор на богатите, поради тоа повеќето луѓе ги зачудува фактот дека градот се наоѓа на шестото место во вакво рангирање. И макар да работат доста часови, жителите на градот уживаат и значителна пауза од 30 дена во годината.
5. Бангкок, Тајланд – 42.1 часа
Жителите на овој град во практика се на четврто место во Азија по најмногу часови. А во Азија, како што сите знаеме, работат многу. Таму исто така уживаат многу помалку викенди во годината – едвај 9.
4. Њу Делхи, Индија – 42.6 часа
Еден од двата индиски града, кои спаѓаат во листата. Главниот град на втората најнаселена земја во светот се карактеризира со долги работни часови. Поточно со 14.56% подолги, во споредба со просекот на светско ниво.
3. Мексико Сити, Мексико – 43,5 часа
Најмногу кои работат во западниот свет се жителите на мексиканската престолнина. Луѓето уживаат просечно по 17,3 дена во годината и работат со 16.3% повеќе од просекот на жител во светот.
2. Мумбаи, Индија – 43.8 часа
Мумбаи е вториот индиски град кој се најде во рангирањето. Исклучително густо населен, жителите на финансиската престолнина на Индија работат по 2.276.6 часа во годината.
1. Хонг Конг – 50 часа
Немаше како жителите на Хонг Конг да не се најдат во листата. Дом на седиштата на некои од најголемите светски корпорации, во азиската финансиска престолнина се работи многу … Попрецизно со 27.4% повеќе од она што се работи во светот.