Нискобуџетната авиокомпанија „Ryanair“ најави ширење на дејноста и влез во туристичката бранша, така што ќе понуди услуга и за резервација на евтино сместување.
На клинетите, како што порачуваат од компанијата, ќе им биде понуден голем избор на хотели во рамките на програмата „Ryanair Rooms“ хостели, „B&B“ хотели, вили за одмор и домашно сместување.
„Ryanair“ ги повикува сите заинтересирани кои нудат сместување да достават предлози со цел да станат партнери во програмата „Ryanair Rooms“, која доаѓа по покренувањето на „Ryanair Car Hire“ во август минатата година.
„Се повеќе и повеќе клиенти бараат од нас други производи освен летовите и сметаме дека е природен чекор „Ryanair“ да стане „Amazon“ во авиосообраќајот“, изјави директорот на маркетинг „Ryanair“, Кени Џејкоб.
