На Волстрит во четвртокот цените на акциите паднаа по трите дена раст, а под најголем притисок беа енергетскиот и финансискиот сектор.
Индексот Dow Jones ослабе за 0,11 отсто, на 17.985 поени, додека индексот S&P 500 се лизна за 0,17 проценти, на 2.115 поени, а Nasdaq индексот падна за 0,32 отсто, на 4.958 индексни поени.
Најмногу, за 0,8 отсто, паднаа цените во финансискиот сектор, кои се под притисок поради тоа што е малку веројатно дека американската централна банка ќе ги зголеми клучните каматни стапки пред есента.
Паднаа и цените во енергетскиот сектор, што е последица на падот на цените на нафтата од највисоките нивоа во последните единаесет месеци.
Вложувачите се претпазливи поради тоа што S&P 500 индексот се придвижи на највисоко ниво во историјата, достигнато во мај минатата 2015 година, иако деловните резултатите на компаниите се анемични и иако растот на глобалната економија забавува.
На претпазливосто на инвеститорите укажува и потпросечниот обем на тргувањето. На американските берзи во четвртокот сопствениците ги заменија 6,1 милијарди акции, додека просечниот дневен обем последните дваесет дена изнесуваше 6,8 милијарди акции.
