Во последнава година „Twitter“ го шири својот домет на работење, а како последна информација произлезе дека тие сега се насочуваат кон музиката. Компанијата само го потврди тоа што се говореше во последно време, а тоа беше дека ја превземале музичката страна „We Are Hunted“. Уште минатиот месец некои медиуми ја објавија оваа вест, по што страната беше изгасена.
Уште во март месец се говореше дека „Twitter“ го купил „We Are Hunted“, а сега знаеме дека нивната цел била да лансираат самостална музичка апликација која ќе понуди персонализирани музички препораки и стримување на музиката низ „SoundCloud“. Веб страницата и тастерот за пријавување додава дополнителна тежина за овој извештај и потврдата за лансирањето на својот сервис на „Twitter“.
