Берзанските индекси на Волстрит во вторник останаа речиси непроменети, бидејќи инвеститорите се внимателни, со оглед на тоа дека S&P 500 индексот се доближи до рекордните нивоа.
Dow Jones зајакна 0,1 отсто на 17.938 бодови, S&P 500 порасна 0,13 отсто на 2.112 поени, додека Nasdaq ослабе 0,14 отсто на 4.961 бодови.
Благиот раст на Dow Jones и S&P 500 индексот најмногу е благодарение на растот на цените во енергетскиот сектор, 2,1 отсто, откако цените на нафтата ги достигнаа највисоките нивоа оваа година.
Од друга страна, остро паднаа цените на акциите во биотехнолошкиот сектор, 2,5 отсто, по неколку лоши вести од компаниите од тој сектор, меѓу кои и Biogen.
Аналитичарите сметаат дека на пазарот владее добро расположение бидејќи по коментарите на директорката на Фед, Џенет Јелен, во понеделник спласнаа шпекулациите дека за некој месец ќе дојде до зголемување на клучните каматни стапки.
S&P 500 индексот во вторник го достигна новото највисоко ниво во седум месеци, па сега е само 20-сеттина бодови оддалечен од рекордното ниво, достигнато во мај минатата година.
„На пазарот сега најмногу се следи дали S&P ќе го достигне рекордното ниво. Ако го пробиеме тоа ниво, на пазарот би можело да се слеат свежи пари од инвеститорите кои до сега се држеа на страна, но сега би можеле да се вклучат на пазарот стравувајќи да не го пропуштат можниот понатамошен раст на цените на акциите“, вели Мајкл Шелдон, директор во компанијата Northstar Wealth Partners.
На американските берзи сопственикот во вторник го замениле 6,4 милијарди акции, додека просечниот дневен обем во последните 20 дена изнесувал 6,9 милијарди.
