Темпото на раст на продажбата на мало во Европската унија (ЕУ) се забрзува, покажуваат податоците на европската статистичка служба „Евростат“.
Во април е забележано месечно зголемување од 0,5 отсто на продажбата на мало во ЕУ, откако во март показателот забележа пад од 0,6%, а во февруари забележа минимален раст од 0,1%.
На годишна основа, растот во ЕУ се забрзува до 2,4% во април во однос на 2,2% во март.
Истовремено продажбата на мало во еврозоната не забележуваат промени во април. Во март беше забележано намалување од 0,6% на месечна основа. На годишна основа продажбата на мало во еврозоната го забавува растот до 1,4% во однос на 1,8% годишен раст во март.
Месечниот раст на продажбата на мало се одредува претежно од продажбата на храна, пијалоци и тутун и тутунски производи, додека годишниот се определува од посилниот раст на продажбата на автомобилски горива на позадината на ниските цени на нафтата и други непрехранбени стоки.
За месецот најсилен раст на продажбата на мало е забележан во Данска – 4,5%, следена од Полска со 3,7% и Романија со 2,8%, а најсилен пад – во Финска (-1,2% ), Германија (малку под процент) и Малта со -0,1%.
Што се однесува до годишното зголемување на продажбата на мало, најсилно е тоа во Романија – над 20%, следена од Луксембург со 16,7% и Полска со 6,6%. Најсилен годишен пад е регистриран во Белгија – 2,3%, и Германија – 0,6%.