Заменик ирачкиот министер за нафта Фајад ал Нема изјави денес дека очекува цената на барелот нафта да порасне на 55 до 65 долари за барел во втората половина од годината.
Тој им се обрати на новинарите во Виена, каде се одржува состанокот на членките на ОПЕК.
Цената на барелот нафта денес е нешто помала од 50 долари.
Кувајтскиот министер за одбрана Анас ал Салех изјави дека цената од 50 до 60 долари за барел била задоволувачка.
Салех изјави пред новинарите дека стратегијата на ОПЕК функционира и дека организацијата ќе се потруди тоа така да остане и во иднина.
Министерот за нафта на Обединетите Арапски Емирати Сухаил бин Мухамед ал Мазруи изјави дека очекува поскапување на нафтата во втората половина од годината.
Тој изјави дека е потребно на пазарот да се постигне цена на барелот која би обезбедувала одржливи инвестиции во овој сектор.