Довербата во економијата на еврозоната порасна во месец мај втор месец по ред, благодарение пред се на зголемениот оптимизам меѓу потрошувачите.
Индексот на економската доверба, кој го пресметува Европската комисија, порасна во мај на 104,7 поени од априлските 104 поени, пренесува агенцијата АП.
Потрошувачите изразија поголем оптимизам во поглед на идната состојба на економијата на еврозоната, но и во поглед на изгледите за вработување и остварување на заштеди.
Кога станува збор за водечките членки на еврозоната, Франција евидентираше најголем скок на индексот, додека Германија регистрираше помал раст.
Освен тоа, индустрискиот и малопродажниот сектор покажаа поголем интерес за вработување, што, како што оценува АП, е добра вест за регионот кој сеуште е погоден со висока стапка на невработеност.