Стапката на невработеност во Унгарија падна на 5,8 проценти, во периодот од февруари до април, покажуваат последните податоци на Централниот статистички завод на Унгарија.
Тоа е прв пат во историјата невработеноста да падне под 6 проценти. На врвот е и вработеноста, која во популацијата од 15 до 74 години старост изнесува 57 проценти.
Бројот на вработени во извештајниот период изнесувал 4,294 милиони, што е за 150.000 повеќе во однос на истиот период минатата година.
Во јавниот сектор биле вработени 215.000 работници, што претставува 5 проценти од вкупниот број на вработените.