Трговски ден во четвртокот Македонската берза заврши со вкупен промет од солидни 54 милиони денари реализирани преку 31 трансакција.
Денот го одбележаа блок трансакции со акциите на Скопски Пазар АД Скопје и Комерцијална Банка АД Скопје. Вкупно беше истргувано количество од 313 акции на Скопски Пазар АД Скопје по цена од 9.036 денари. Вкупен промет на трансакцијата изнесуваше 2,8 милиони денари.
Вториот блок со акциите на Комерцијална Банка АД Скопје донесе промет од над милион денари.
Најголем раст на вредноста од 271,17 отсто со истргувани 5.524 акции по просечна цена од 2.227 денари забележа акцијата на Пелагонија АД Струмица, а по неа следеа акциите на ФЗЦ 11 Октомври Куманово со раст од 5,26 проценти.
Наспроти нив најголем пад од (-6,62%) бележеше акцијата на Топлификација АД Скопје со просечна цена од 552 денари за акција и истргувана количина од 20 акции.
Индексот МБИ-10 денот го заврши со незначителна промена, пад од 0,09 проценти, и изнесуваше 1.732,19 индексни поени.