Аналитичарите од истражувачката група „Global Research“ од „Deutsche Bank“ сметаат дека до денес најевтина валута е полската злота, пишува Бизнис Инсајдер.
Во извештајот на групата економисти под раководство на Алан Раскин и Џорџ Саравелос се наведува дека полската валута котира „исклучително евтино“ и дека всушност е потценета за околу 10 проценти.
Истовремено, експертите најавуваат дека курсот на злотата ќе расте. Валутата ќе ја поддржат високите показатели за деловната aктивност, ниската невработеност и порастот на заработката.