Започна реконструкцијата на патот Велебрдо – Битуше во должина од 1,3 километри, јави дописникот на Макфакс.
Стартот на градежните работи на овој патен правец во понеделник го означи градоначалникот на општина Маврово – Ростуше Мукрем Мехмеди кој нагласи дека станува збор за многу битна реконструкција која се реализира по цели 30 години.
Реконструкцијата на патот ќе значи развој на селскиот туризам, но и развој на сточарството во регионот на Река и пошироко.
Инвестицијата е на Агенцијата за финансирање и поддршка на земјоделството и руралниот развој. Директорката на оваа институција Билјана Вуковиќ, нагласи дека станува збор за инвестиција во висина од 7, 5 милиони денари, со која ќе се изврши целосна реконструкција на овој патен правец кој е во тешка состојба повеќе декади.
Селата Велебрдо и Битуше се едни од најубавите Рекански села, кои имаат одлични услови за развој на руралниот туризам.
