Помалку од една година од основањето на Европскиот фонд за стратешки инвестиции – финансискиот механизам на Планот „Јункер“, веќе се одобрени 64 проекти во вредност од 100 милијарди евра.
Ова го објави Европската комисија, повикувајќи се на соопштение на партнерот во овој проект – Европската инвестициска банка (ЕИБ).
На 19-ти мај банката одобрила уште 8 проекти во вредност од 9,3 милијарди евра и така е извршена првата психолошка цел – 1/3 од средствата за планот веќе се активирани.
Во Планот „Јункер“ треба да бидат „искористени“ 315 милијарди евра во различни проекти со цел ревитализација на европската економија. Идејата е да биде обезбедено и финансирање во износ од 21 милијарди евра, кои за возврат ќе привлечат дополнителни инвестиции од приватниот сектор.
Практиката на ЕК и ЕИБ покажува дека за секое инвестирано евро од Брисел може да се очекуваат дополнителни 15 евра од приватни инвестиции.
Клучните сектори на Планот се истражување и развој, енергетска ефикасност, инфраструктура и нови технологии. При промоцијата на идејата за инвестицискиот план беше наведено дека во ЕУ има доволна ликвидност, но не и желба за инвестиции, поради недостатокот на доверба и сигурност.