Фармацевтската компанија „Merck“ забележа добивка во првиот квартал, со што ги надминаа очекувањата на аналитичарите, кој беше поддржана од стекнувањето на производителот на фармацевтска опрема „Sigma-Aldrich“, соопштува „Bloomberg“.
Добивката пред камата, даноци, депресијацијата и амортизацијата и без некои ефекти се зголемила за 27% до 1,1 милијарди евра, соопшти компанијата со седиште во Дармштат, Германија. Објавената сума е повисока од просечната оценка за 1,05 милијарди евра на деветмината аналитичари анкетирани од „Bloomberg“.
„Merck“ потврди дека очекува мал раст на органската продажба во оваа година и изјави дека ќе постигне групна продажба меѓу 14,8 и 15 милијарди евра во 2016-та година. Просечно аналитичарите предвидуваат продажба за 15,2 милијарди евра за оваа година.
Акциите на „Merck“ поскапеа за 2,6% до 84,5 евра на берзата во Франкфурт.
Главниот извршен директор Штефан Ошман минатиот месец ја презеде функцијата во германскиот конгломерат. Компанијата се преструктурира по осум години и не е претставувајќи нов лек по повеќе од една деценија.
„Merck“ е насочена кон диверзификација, купувајќи ја „Sigma-Aldrich“ за 17 милијарди долари во минатата година и „AZ Electronic Materials“ за 2,6 милијарди долари, една година пред тоа.
Најветувачки мотор за раст според Ошман може да дојде од соработката за 2 милијарди долари со „Pfizer“ со цел развивање на нов третман против рак, кој ги засилува сопствените заштити на телото, за да ги победи туморите.
Минатото тримесечје го забележа првото вклучување на „Sigma-Aldrich“ во сметководството на компанијата.
