Хонгконг останува најскап пазар на логистички површини во светот, покажуваат податоците на консултантската компанија „CBRE“.
Кон крајот на 2015-та година, годишниот трошок за изнајмување квадратен метар логистичка површина во овој град достигнува над 311 долари.
Втората позиција е за Токио со малку над 180 долари, а третата е за Лондон со 176 долари.
Топ 10 се дополнува со Сингапур, Стокхолм, Шангај, Манчестер/Ливерпул, Лидс/Шефилд, Сиднеј и Шенжен.
Истовремено најсилен раст на годишниот наем на кв.м логистичка површина е забележан во Оукланд, САД – речиси 30%. Следува Њу Џерси во САД со 15%.
Повеќето од локациите со пресметковен најсилен раст се наоѓаат во САД поради постојано растечкиот прилив на стока во целиот регион. Исклучок се Сантијаго-Чиле, Суидад Хуарес-Мексико, и Сеул-Јужна Кореја.
Експертите посочуваат дека главен двигател на растот на пазарот на логистички имот во целиот свет останува од проширувањето на електронската трговија. Се засилува побарувачката на модерните дистрибутивни центри во близина на градовите, каде што се концентрирани и корисниците. Значи сепак се зголемуваат трошоците за земјиште, каде поскапува градежништвото и оттаму се одразува на кириите.
Компанијата следи 68 водечки логистички пазари во целиот свет. Податоците покажуваат дека за минатата година во 59% од нив е забележан раст на кириите на кв.м. површина, 25% имаат стабилни нивоа на наемнини, а 16% регистрираат намалувања.
