„SABMiller“ забележа годишна добивка под оценките на аналитичарите, поради наметнати давачки поврзани со некои нејзини операции во Африка, и трошоци за трансакцијата, соопштува „Bloomberg“.
Приспособениот профит пред даноците за годината која заврши на 31-ви март, е намален за 16% до 4,1 милијарди долари, објави лондонската компанија. Аналитичарите очекуваа профит од 4,58 милијарди долари, покажуваат проценките, собрани од „Bloomberg“.
Профитот поднесе удар поради обезвреднување на инвестициите во Ангола и Јужен Судан, како и од трошоците за 160 милиони долари поврзани со трансакцијата со „AB InBev“.
Производителот на „Pilsner Urquell“ дели некои средства и ги прераспределува на други, додека го чека регулаторното одобрение за стекнување. „AB InBev“ ги продава брендовите „Peroni“, „Grolsch“ и „Meantime“ во Европа, за да ги задоволи антимонополските стравувања.
„Резултатите се добри“, вели главниот извршен директор на „SABMiller“ Алан Кларк. „Известување за раст на профитот пред камати, даноци, депресијација и амортизација, а маргината се подобрува во текот на годината“, додава тој.
„SABMiller“ очекува нејзиното претставување до крајот на годината да биде отежнато од силниот долар, додека се подготвува да биде купена од белгискиот конкурент во најголемата зделка во индустријата. Компанијата додава дека очекува договорот да заврши во втората половина на годината, набргу откако ќе ја исплати последната дивиденда на 12-ти август.
Пиварите веќе забележа раст во испораките на пиво во четвртиот квартал благодарение на растот во Африка и Латинска Америка. „SABMiller“ добива повеќе приходи од растечките региони, отколку другите големи пивари.
