Moody’s го намали кредитниот рејтинг на Саудиска Арабија

Една од трите агенции за кредитен рејтинг „Moody’s“ го намали рејтингот на Саудиска Арабија од А1 на АА3.

Тоа е последица од ревизијата која траеше два месеци, а како главна причина за намалувањето се наведуваат помалиот економски раст, високиот надворешен долг и евтината нафта, поради што Саудиска Арабија е помалку отпорна на пазарните шокови.

Освен Саудиска Арабија, поради истата причина, намален е и кредитниот рејтинг на Бахреин и Оман.

Другите земји производители на нафта во заливот, како Кувајт и Катар, не го загубија рејтингот, но долгорочните изгледи им се дефинирани како – негативни.

Цените на нафтата паѓаат затоа што производството расте побрзо отколку побарувачката, потсетуваат економските портали.