Фармацевтскиот гигант „Pfizer“ ќе го купи американскиот конкурент „Anacor Pharmaceuticals“ во зделка која се проценува на 5,2 милијарди долари за да добие пристап до експерименталниот лек на „Anacor“ за лекување на егзема, соопштува „Ројтерс“.
Акциите на „Anacor“ поскапеа за речиси 54% до 98,50 долари за време на трговијата пред отворањето на пазарот во понеделник, што е малку под цената во понудата од 99,25 долари за акција, која „Pfizer“ ќе ја плати во готово.
Планирано е договорот да заврши во третиот квартал и може да започне да се зголемува профитот на „Pfizer“ во 2018-та година, коментира „Bloomberg“.
Вредноста на капиталот по трансакцијата е 4,45 милијарди долари при 44,87 милиони акции во оптек на 31-ви март, покажуваат податоците на „Thomson Reuters“.
Лекот на „Anacor“ за лекување на егзема, за чија дозвола американските власти треба да донесат одлука на 7-ми јануари 2017-та година, може да постигне годишна продажба од 2 милијарди долари, прогнозира „Pfizer“. Меѓу 18 и 25 милиони луѓе во САД страдаат од оваа болест.
