Традиционално, како и секоја година, во пролет во Општина Илинден се одржува еден од најзначајните настани во Македонија кои што ја нагласуваат важноста на пишаниот збор и литературата во општеството.
Од 16-ти до 21-ви мај, ќе се одржи седумнаесеттото издание на Литературната манифестација „Илинден 2016“, каде што ќе бидат промовирани современите и модерни успеси и достигнувања на ова поле. Овој настан е од посебно значење за промовирањето на македонските културни вредности во јавноста.
Програмата како и за сите претходни манифестации, има богата содржина, која ќе биде и официјално најавена и претставена на претстојниот медиа брифинг за претставници на медиумите, на 16-ти мај (понеделник) во Best Western, Хотел Белви, во Општина Илинден.
Присутен на настанот ќе биде и градоначалникот на Општина Илинден, м-р Жика Стојановски како и претставници од организацијата.
Настанот официјално ќе започне во 11 часот.